Aaj ek dard uth raha he seene me...jitna sochti hu...utni oolajhti jaa rahi hu.....
aaj kyu ye aankhein nam he..
aaj kyu khaamosh hu main...
aaj sach aur juth ek sa ho gaya he...
in sitaaron me aaj chamak kyu kam lag rahi he...
aaj chaand bhi ruthaa hua sa he...
andar jo aag hua karti thi...
wo aaj sirf dhuaan kyu he..?..
aaj naa koi raasta he...naa koi manzil he...
to fir ye kesi becheni he...
aaj na jeet ki aas he...naa haarne ka darr...
to fir mann me ye kesi ladaai he...?..
ek baar tumne pucha tak nahi...
ye jawaab kyu tumne maanga nahi...
sawaalo ka dariyaa aaj umad raha he...
lehrein aaj kyu karwate badal rahi he...?..
ek junoon se pyaar kiya karti thi...
aaj wo pyaar ek kahaani kyu ban gaya he..?..
panne to saamne khule pade he...
to aaj ye shabd kyu samaj nahi paa rahi hu..?..
dil me ek dard sa he...
aaj ek ghutan mehsus ho rahi he...
kho gayi hu khai shaayad....
yaa fir khud se bhaag rahi hu...?..
aaj jab ye ankahi baatein sochti hu...
to lagta he tufaan aane wala he...
ab jab sheeshe me dekhti hu...
to khud ko pehchaan nahi paati hu...
mushkil he lafzon me keh paana....
ye jataa paana logo ko...
ye jo muskaan liye chal rahi hu chehre pe....
wo to bas ek mukhota he...
kyu aaj bhi seene me chupaaye chal rahi hu...
wo kuch ankahi baatein...!!!
